ກອງປະຊຸມສໍາມະນາກ່ຽວກັບວິທີການກວດກາສິນຄ້າປອມ ແລະ ສິນຄ້າຮຽນແບບເຄື່ອງໝາຍການຄ້າ 11 10 2018

0
8

ຕອນເຊົ້າເວລາ 8:30 ໂມງ ຂອງວັນທີ 11 / 10 / 2018 ທີ່ຫ້ອງປະຊຸມພະແນກໄອຍາການແຂວງຫຼວງພະບາງໄດ້ເປີດກອງປະຊຸມສໍາມະນາກ່ຽວກັບວິທີການກວດກາສິນຄ້າປອມ ແລະ ສິນຄ້າຮຽນແບບເຄື່ອງໝາຍການຄ້າ, ຈັດໂດຍພະແນກວິທະຍາສາດ ແລະ ເຕັກໂນໂລຊີແຂວງຫຼວງພະບາງ ຮ່ວມກັບ ບໍລິສັດທິລລີກີ ແອນ ກິບບິນສ໌ ລາວຈໍາກັດ ໂດຍໄດ້ຮັບການສະໜັບສະໜູນຈາກບັນດາບໍລິສັດ: HONDA, STARBUCKS ແລະDAIMLER, ໃຫ້ກຽດເປັນປະທານໂດຍທ່ານ ສີປະເສີດ ເພັງສະຫວັດ ຄະນະພັກພະແນກວິທະຍາສາດ ແລະ ເຕັກໂນໂລຊີ, ຫົວໜ້າຂະແໜງຊັບສິນທາງປັນຍາ, ມາດຕະຖານ ແລະ ວັດແທກ ແລະ ທ່ານ ດີໂນ້ ຊານຕາເນຍໂລ້ Mr. Dino Santaniello ຫົວໜ້າຫ້ອງການບໍລິສັດທິລລີກີ ແອນ ກິບບິນສ໌ ລາວຈໍາກັດ, ມີຄະນະກໍາມະການກວດສອບສິນຄ້າລະເມີດຊັບສິນທາງປັນຍາ, ຕາງໜ້າ 17 ພະແນກການທົ່ວແຂວງຫຼວງພະບາງ, ຕາງໜ້າຫ້ອງການວິທະຍາສາດ ແລະ ເຕັກໂນໂລຊີ 11 ເມືອງ 1 ນະຄອນ ແລະ ວິຊາການຈາກພະແນກວິທະຍາສາດ ແລະ ເຕັກໂນໂລຊີເຂົ້າຮ່ວມທັງໝົດ 47 ທ່ານ.

ຈຸດປະສົງຂອງກອງປະຊຸມຄັ້ງນີ້ແມ່ນເພື່ອສັງເກດບັນດາເຄື່ອງໝາຍການຄ້າ, ແນະນໍາວິທີການກວດກາສິນຄ້າປອມ ແລະ ສິນຄ້າຮຽນແບບເຄື່ອງໝາຍການຄ້າຂອງ 3 ບໍລິສັດ ຄື: HONDA, STARBUCKS ແລະ DAIMLER, ໃນກອງປະຊຸມໄດ້ຍົກໃຫ້ເຫັນເຖິງການຈໍາແນກຄວາມແຕກຕ່າງລະຫວ່າງ ສິນຄ້າຂອງແທ້ ແລະ ສິນຄ້າຂອງປອມ ພ້ອມດຽວກັນນີ້ຍັງໄດ້ຍົກໃຫ້ເຫັນເຖິງຄວາມອັນຕະລາຍຂອງສິນຄ້າຮຽນແບບ ເພາະຄຸນນະພາບຕໍາບໍ່ຮັບປະກັນດ້ານຄວາມປອດໄພ ແລະ ຍັງໄດ້ເປີດໂອກາດໃຫ້ນັກສໍາມະນາກອນໄດ້ຮຽນຮູ້ກ່ຽວກັບການສັງເກດເບື້ອງຕົ້ນ ແລະ ຊ່ອງທາງຕິດຕໍ່ຫາບໍລິສັດໂດຍກົງເມື່ອພົບເຫັນສິນຄ້າຮຽນແບບ, ຮອດເວລາ 11: 30 ກອງປະຊຸມໄດ້ປິດລົງຢ່າງເປັນທາງການ.

 

LEAVE A REPLY

Please enter your comment!
Please enter your name here