ຕ້ອນຮັບຄະນະຜູ້ແທນຈາກ ສປ ຈີນ 28 9 2018

0
44

ໃນຕອນບ່າຍເວລາ 16:00 ຂອງວັນທີ 28/9/2018 ທ່ານ ສິງຄໍາ ພົມມະລັດ ຫົວໜ້າພະແນກວິທະຍາສາດ ແລະ ເຕັກໂນໂລຊີ ພ້ອມດ້ວຍ ຫົວໜ້າຂະແໜງ, ຮອງຫົວໜ້າຂະແໜງເຂົ້າຮ່ວມຕ້ອນຮັບຄະນະຜູ້ແທນຈາກ ສປ ຈີນ ໂດຍສະເພາະແມ່ນມາຈາກມະຫາວິທະະຍາໄລສ້າງຄູແຂວງຢູນານ ຢູ່ທີ່ຫ້ອງປະຊຸມພະແນກວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ.

ຈຸດປະສົງເພື່ອເປັນການຢ້ຽມຢາມແລກປ່ຽນບົດຮຽນເຊິ່ງກັນ ແລະ ກັນ ລະຫວ່າງພະແນກວິທະຍາສາດ ແລະ ເຕັກໂນໂລຊີ ແລະ ຄະນະຜູ້ແທນຈາກມະຫາວິທະຍາໄລສ້າງຄູແຂວງຢູນານ. ຈາກນັ້ນທ່ານ ສິງຄໍາ ພົມມະລັດ ຫົວໜ້າພະແນກໄດ້ກ່າວຕ້ອນຮັບ ແລະ ລາຍງານສະພາບການເຄື່ອນໄຫວວຽກງານວິທະຍາສາດ ແລະ ເຕັກໂນໂລຊີແຂວງຫຼວງພະບາງຕໍ່ພິທີ ພ້ອມທັງສະເໜີໃຫ້ທາງຄະນະຜູ້ແທນຈີນຊ່ວຍເຫຼືອ ເປັນຕົ້ນແມ່ນການສ້າງບຸກຄະລາກອນ. ຈາກນັ້ນ ຄະນະຜູ້ແທນຈີນກໍ່ໄດ້ໃຫ້ຄໍາຢືນຢັນວ່າຈະຊ່ວຍສ້າງບຸກຄະລາກອນໃຫ້ແກ່ທາງພະແນກວິທະຍາສາດ ແລະ ເຕັກໂນໂລຊີແຂວງຫຼວງພະບາງຂັ້ນປະລິນຍາໂທ ແລະ ເອກ ພ້ອມຈະຊ່ວຍໄຟຟ້າພະລັງງານແສງຕາເວັນ ແລະ ເຄື່ອງເຮັດນໍ້າຮ້ອນຈໍານວນໜຶ່ງໃຫ້ໂຮງໝໍມິດຕະພາບລາວ-ຈີນ ແລະ ໂຮງໝໍນະຄອນຫຼວງພະບາງ. ໃນຕອນແລງຂອງວັນດຽວກັນນີ້ ກໍ່ໄດ້ບາສີສູ່ຂວັນຕາມຮີດຄອງປະເພນີຂອງແຂວງຫຼວງພະບາງໃຫ້ຄະນະຜູ້ແທນມະຫາວິທະະຍາໄລສ້າງຄູແຂວງຢູນານ ເພື່ອອວຍພອນເຊິ່ງກັນ ແລະ ກັນ.

LEAVE A REPLY

Please enter your comment!
Please enter your name here