ພິທີຮັບໃບຢັ້ງຢືນໜ່ວຍພັກແຂງ-ຮູ້ນໍາພາຮອບດ້ານ 7 9 2018

0
90

ຕອນບ່າຍເວລາ 14:00 ໂມງ ຂອງວັນທີ 7 ກັນຍາ 2018 ທີ່ຫ້ອງປະຊຸມ ພະແນກ ວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ (ພວຕ) ໄດ້ຈັດໃຫ້ມີພິທີມອບ-ຮັບໃບຢັ້ງຢືນ ໜ່ວຍພັກແຂງ-ຮູ້ນໍາພາຮອບດ້ານ ຄັ້ງທີ II ປະຈໍາສົກປີ 2017 ໃຫ້ກຽດເປັນປະທານໂດຍ ສະຫາຍ ມອນໄຊ ລາວມົວຊົງ ຄະນະປະຈໍາພັກແຂວງ, ຫົວໜ້າຄະນະຈັດຕັ້ງແຂວງ ມີສະຫາຍ ສິງຄໍາ ພົມມະລັດ ເລຂາໜ່ວຍພັກ ຫົວໜ້າ ພວຕ, ມີຕາງໜ້າເລຂາ-ຮອງເລຂາໜ່ວຍພັກພະແນກການອ້ອມຂ້າງພະແນກ ແລະ ສະມາຊິກພັກ ພວຕ ລວມທັງໝົດ 30 ສະຫາຍ.

ຈຸດປະສົງຂອງພິທີໃນຄັ້ງນີ້ກໍ່ແມ່ນເພື່ອ ຈັດພິທີມອບ-ຮັບໃບຢັ້ງຢືນໃຫ້ໜ່ວຍພັກ ພວຕ ເປັນໜ່ວຍພັກແຂງ-ຮູ້ນໍາພາຮອບດ້ານ ຄັ້ງທີ II ປະຈໍາສົກປີ 2017, ໃນພິທີ ສະຫາຍ ວົງສະຫວັດ ໂສມມະລັດ ຮອງເລຂາໜ່ວຍພັກໄດ້ຜ່ານບົດສະຫຼຸບການຈັດຕັ້ງປະຕິບັດໜ່ວຍພັກແຂງ-ຮູ້ນໍາພາຮອບດ້ານ ຄັ້ງທີ II ປະຈໍາປີ 2017 ແລະ ແຜນຄາດໝາຍສູ້ຊົນສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2018, ຈາກນັ້ນ ສະຫາຍ ສີປະເສີດ ເພັງສະຫວັດ ຄະນະພັກ ກໍ່ໄດ້ຜ່ານຂໍ້ຕົກລົງຂອງຄະນະປະຈໍາພັກແຂວງ ວ່າດ້ວຍການອານຸມັດຮັບຮອງໜ່ວຍພັກ ພວຕ ເປັນໜ່ວຍພັກແຂງ-ຮູ້ນໍາພາຮອບດ້ານ ປະຈໍາປີ 2017 ໃຫ້ກຽດມອບໂດຍສະຫາຍ ມອນໄຊ ລາວມົວຊົງ ຄະນະປະຈໍາພັກແຂວງ, ຫົວໜ້າຄະນະຈັດຕັ້ງແຂວງ ຮັບໂດຍສະຫາຍ ສິງຄໍາ ພົມມະລັດ ເລຂາໜ່ວຍພັກ ພວຕ, ຈາກນັ້ນສະຫາຍ ມອນໄຊ ລາວມົວຊົງ ກໍ່ໄດ້ມີຄໍາເຫັນຕໍ່ພິທີ ບາງຕອນສະຫາຍໄດ້ເນັ້ນນັກໃຫ້ສະມາຊິກພັກທຸກສະຫາຍໃຫ້ເອົາໃຈໃສ່ປະຕິບັດກົດລະບຽບພັກປະຊາຊົນປະຕິວັດລາວ ໃຫ້ເປັນສະມາຊິກພັກທີ່ດີ ແລະ ຮັກສາມູນເຊື້້ອໄວ້ໃຫ້ຍາວນານຕໍ່ໄປ. ໃນຕອນທ້າຍ ສະຫາຍ ສິງຄໍາ ພົມມະລັດ ກໍ່ໄດ້ຂຶ້ນຮັບຄໍາໂອວາດ ແລະ ກ່າວຂອບໃຈ ພ້ອມທັງອວຍພອນຕໍ່ທີ່ປະຊຸມ. ຮອດເວລາ 16:00 ໂມງພິທີໄດ້ປິດລົງຢ່າງຈົບງາມ.

LEAVE A REPLY

Please enter your comment!
Please enter your name here