ກອງປະຊຸມປຶກສາຫາລືການສອບທຽບກົງເຕີໄຟຟ້າ

0
52

ຕອນເຊົ້າເວລາ 8:30 ໂມງ ຂອງວັນທີ 6 / 9 / 2018 ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີແຂວງຫຼວງພະບາງ ໄດ້ເປີດກອງປະຊຸມປຶກສາຫາລືການລົງສອບທຽບກົງເຕີໄຟຟ້າ ມີພະແນກວິທະຍາສາດ ແລະ ເຕັກໂນໂລຊີ ຮ່ວມກັບ ລັດວິສາຫະກິດໄຟຟ້າລາວສາຂາແຂວງຫຼວງພະບາງ, ໃຫ້ກຽດເປັນປະທານໂດຍທ່ານ ສິງຄໍາ ພົມມະລັດ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ, ມີຕາງໜ້າລັດວິສາຫະກິດໄຟຟ້າລາວສາຂາແຂງຫຼວງພະບາງ, ຕາງໜ້າຫ້ອງການວິທະຍາສາດ ແລະ ເຕັກໂນໂລຊີນະຄອນຫຼວງພະບາງ, ມີບັນດານາຍບ້ານ 7 ບ້ານ ແລະ ພະນັກງານວິຊາການ ເຂົ້າຮ່ວມທັງໝົດ 18 ທ່ານ.

ຈຸດປະສົງກອງປະຊຸມຄັ້ງນີ້ແມ່ນເພື່ອ ຜ່ານແຜນລົງກວດກອບກົງເຕີໄຟຟ້າຢູ່ນະຄອນຫຼວງພະບາງ ປີ 2018 ມີຈໍານວນ 648 ໜ່ວຍ ປະກອບມີ 7 ບ້ານ ຄື: ບ້ານນາຫຼວງ, ບ້ານນາສໍາພັນ, ບ້ານນາວຽງຄໍາ, ບ້ານມ້າ, ບ້ານຂົວທີໜຶ່ງບ້ານພູເຫຼັກຈະເລີນ ແລະ ບ້ານຜາສຸກ. ໃນກອງປະຊຸມບັນດາທ່ານນາຍບ້ານທີ່ເຂົ້າຮ່ວມກໍ່ໄດ້ມີການສົນທະນາແລກປ່ຽນຄໍາຄິດເຫັນ ຈາກນັ້ນ ຕາງໜ້າລັດວິສາຫະກິດໄຟຟ້າລາວສາຂາແຂວງຫຼວງພະບາງກໍ່ໄດ້ອະທິບາຍທາງເຕັກນິກ ແລະ ມາດຕະຖານໃນການຄຸ້ມຄອງ ແລະ ນໍາໃຊ້ ກົງເຕີໄຟຟ້າຕໍ່ທີ່ປະຊຸມ ຮອດເວລາ 11:00 ກອງປະຊຸມໄດ້ປິດລົງ.

LEAVE A REPLY

Please enter your comment!
Please enter your name here