ປຶກສາຫາລືດ້ານວິຊາການກ່ຽວກັບໂຄງການຕົວແບບໃນການຮ່ວມມືສາກົນລະຫວ່າງມະຫາວິທະຍາໄລ 24 7 2018

0
32

ຕອນບ່າຍເວລາ 14:00 ໂມງ ຂອງວັນທີ 24 / 7 / 2018 ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີແຂວງຫຼວງພະບາງ ໄດ້ຈັດໃຫ້ມີພິທີປຶກສາຫາລືດ້ານວິຊາການກ່ຽວກັບໂຄງການຕົວແບບໃນການຮ່ວມມືສາກົນລະຫວ່າງມະຫາວິທະຍາໄລ, ຕາງໜ້າພະແນກວິທະຍາສາດ ແລະ ເຕັກໂນໂລຊີ ມີ: ບັນດາຫົວໜ້າຂະແໜງອ້ອມຂ້າງພະແນກ ເຂົ້າຮ່ວມ, ຕາງໜ້າໂຄງການຕົວແບບໃນການຮ່ວມມືສາກົນລະຫວ່າງມະຫາວິທະຍາໄລ ມີທ່ານ ສາດສະດາຈານ ອິມແດຢອງ ຫົວໜ້າໂຄງການ, ທ່ານ ປອ ກອງສີ ພິມມະວົງ ຜູ້ປະສານງານໂຄງການ, ຈຸດປະສົງໃນການປຶກສາຫາລືໃນຄັ້ງນີ້ກໍ່ແມ່ນເພື່ອປຶກສາຫາລືເລື່ອງການເປີດ ສູນຮ່ວມມືທາງດ້ານຊັບພະຍາກອນມະນຸດຢູ່ອາຊີ ທີ່ຈະເປີດຢ່າງເປັນທາງການໃນວັນທີ 3 / 8 / 2018 ທີ່ມະຫາວິທະຍາໄລສຸພານຸວົງ, ຈຸດປະສົງຫຼັກໃນການສ້າງສູນດັ່ງກ່າວກໍ່ແມ່ນເພື່ອຮ່ວມມືກັບບັນດາປະເທດໃນອາຊີ 3 ຫົວຂໍ້ຫຼັກຄື:

  1. ຮ່ວມມືດ້ານຊັບພະຍາກອນມະນຸດ
  2. ຮ່ວມມືດ້ານເຕັກໂນໂລຊີ
  3. ຮ່ວມມືດ້ານສີມືແຮງງານ

ໃນພິທີກໍ່ໄດ້ປຶກສາຫາລື, ສົນທະນາເຖິງເລື່ອງສີມືແຮງງານພາຍໃນແຂວງຫຼວງພະບາງ, ໂຮງຈັກໂຮງງານ, ຜະລິດຕະພັນຕ່າງໆ ທີ່ຈະໄດ້ຮັບຜົນປະໂຫຍດຈາກການສ້າງສູນດັ່ງກ່າວ, ເຖິງເວລາ 15:20 ໂມງ ພິທີກໍ່ໄດ້ສິ້ນສຸດລົງ.

LEAVE A REPLY

Please enter your comment!
Please enter your name here