ກອງປະຊຸມສະຫຼຸບຂະບວນການແຂ່ງຂັນ 3 ດີ ຂອງສະຫະພັນແມ່ຍິງ ພະແນກວິທະຍາສາດ ແລະ ເຕັກໂນໂລຊີ 21 6 2018

0
44

ຕອນບ່າຍເວລາ 14:00 ຂອງວັນທີ 22 / 6 / 2018 ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີແຂວງຫຼວງພະບາງ ໄດ້ເປີດກອງປະຊຸມສະຫຼຸບຂະບວນການແຂ່ງຂັນ 3 ດີ ຂອງສະຫະພັນແມ່ຍິງ ພະແນກວິທະຍາສາດ ແລະ ເຕັກໂນໂລຊີ ໃຫ້ກຽດເປັນປະທານໂດຍທ່ານ ນາງ ບົວສອນ ໄຊຍະໄຊ ຮອງປະທານສະຫະພັນແມ່ຍິງແຂວງຫຼວງພະບາງ, ທ່ານ ສີປະເສີດ ເພັງສະຫວັດ ປະທານກວດກາພັກ ພະແນກວິທະຍາສາດ ແລະ ເຕັກໂນໂລຊີ, ທ່ານ ນາງ ສຸມິດ ຈະເລີນຜົນ ຫົວໜ້າໜ່ວຍສະຫະພັນແມ່ຍິງພະແນກວິທະຍາສາດ ແລະ ເຕັກໂນໂລຊີ, ມີບັນດາຜູ້ຕາງໜ້າອົງການຈັດຕັ້ງມະຫາຊົນ, ຄະນະໜ່ວຍສະຫະພັນແມ່ຍິງພະແນກພະລັງງານ ແລະ ບໍ່ແຮ່, ມີຕາງໜ້າອົງການຈັດຕັ້ງມະຫາຊົນ ແລະ ສະມາຊິກແມ່ຍິງ ເຂົ້າຮ່ວມທັງໝົດ 24 ທ່ານ.

ຈຸດປະສົງຂອງກອງປະຊຸມແມ່ນເພື່ອສະຫຼຸບຂະບວນການແຂ່ງຂັນ 3 ດີ, ໃນພິທີທ່ານ ນາງ ສຸມິດ ຈະເລີນຜົນໄດ້ຂຶ້ນຜ່ານຜົນງານທີ່ໄດ້ຈັດຕັ້ງປະຕິບັດຜ່ານມາ ພ້ອມທັງສະເໜີທິດທາງຂໍ້ແຂ່ງຂັນ 3 ດີ ໃນຕໍ່ໜ້າ, ພ້ອມດຽວກັນນີ້ກອງປະຊຸມກໍ່ໄດ້ຮັບການຍ້ອງຍໍຈາກຮອງປະທານສະຫະພັນແມ່ຍິງແຂວງໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ຖືກຕ້ອງ, ຄົບຖ້ວນ ພ້ອມຍ້ອງຍໍບຸກຄົນດີເດັ່ນ 12 ສະຫາຍ ແລະ ໃນພິທີຍັງໄດ້ຮັບເອົາຂໍ້ແຂ່ງຂັນ 3 ດີໃນຕໍ່ໜ້າ ແລະ ຕາງໜ້າ 3 ອົງການຈັດຕັ້ງ ກໍ່ໄດ້ຂຶ້ນຈັບມືແຂ່ງຂັນ, ໃນຕອນທ້າຍທ່ານນາງບົວສອນ ໄຊຍະໄຊ ຮອງປະທານສະຫະພັນແມ່ຍິງແຂວງຫຼວງພະບາງ ກໍ່ມີຄໍາເຫັນໂອ້ລົມ ທ່ານໄດ້ກ່າວຍ້ອງຍໍຊົມເຊີຍຜົນງານທີ່ໜ່ວຍສະຫະພັນແມ່ຍິງຍາດມາໄດ້, ທ່ານຍັງເນັ້ນໜັກໃຫ້ຈັດຕັ້ງປະຕິບັດຕາມຄໍາຂວັນແມ່ຍິງ 3 ດີ, ຮອດເວລາ 16:00 ກອງປະຊຸມໄດ້ປິດລົງຢ່າງເປັນທາງການ.

LEAVE A REPLY

Please enter your comment!
Please enter your name here