ພິທີເປີດຂໍ້ແຂ່ງຂັນຮັກຊາດ ແລະ ພັດທະນາ ຊຸກຍູ້ວຽກງານ 3 ສ້າງ ເຂົ້າສູ່ລວງເລິກ ຂອງ ພວຕ

0
35

ຕອນບ່າຍເວລາ 14:00 ຂອງວັນທີ 29 / 5 / 2018 ທີ່ຫ້ອງປະຊຸມພະແນກວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ ໄດ້ຈັດໃຫ້ມີພິທີເປີດຂະບວນການແຂ່ງຂັນ-ຍ້ອງຍໍ “ຮັກຊາດ ແລະ ພັດທະນາ” ຊຸກຍູ້ວຽກງານ 3 ສ້າງເຂົ້າສູ່ລວງເລິກພາຍໃຕ້ຄໍາຂວັນ ໃໝ່, ໄວ, ດີຫຼາຍ ແລະ ຖືກກົດໝາຍ ຂອງພະແນກວິທະຍາສາດ ແລະ ເຕັກໂນໂລຊີ ແຕ່ນີ້ຮອດປີ 2020, ໃຫ້ກຽດເປັນປະທານໂດຍທ່ານ ວົງສະຫວັນ ເທບພະຈັນ ຮອງເຈົ້າແຂວງແຂວງຫຼວງພະບາງ ຮ່ວມກັບ ທ່ານ ສິງຄໍາ ພົມມະລັດ ຫົວໜ້າພະແນກວິທະຍາສາດ ແລະ ເຕັກໂນໂລຊີ, ຮອງພະແນກພາຍໃນ, ມີຫົວໜ້າຫ້ອງການ, ຮອງຫົວໜ້າຫ້ອງການ, ຫົວໜ້າຂະແໜງ, ຮອງຫົວໜ້າຂະແໜງ, ຕາງໜ້າພະແນກການອ້ອມຂ້າງ ແລະ ຫົວໜ້າຫ້ອງການວິທະຍາສາດ ແລະ ເຕັກໂນໂລຊີ 1 ນະຄອນ 9 ເມືອງ ພ້ອມດ້ວຍວິຊາການ ເຂົ້າຮ່ວມທັງໝົດ 35 ທ່ານ.

ຈຸດປະສົງໃນການເປີດພິທີດັ່ງກ່າວກໍ່ແມ່ນເພື່ອຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕຄັ້ງທີ VII ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຄັ້ງທີ I ຂອງພະແນກວິທະຍາສາ ແລະ ເຕັກໂນໂລຊີ, ວິໄສທັດຮອດປີ 2030 ຍຸດທະສາດໄລຍະ 10 (2016-2025) ແຜນພັດທະນາເສດຖະກິດ-ສັງຄົມ 5 ປີ (2016-2020) ໃຫ້ປະກົດຜົນເປັນຈິງ ໃນພິທີ ທ່ານ ວົງສະຫວັນ ເທບພະຈັນ ກໍ່ໄດ້ມີຄໍາເຫັນ ບາງຕອນເພີ່ນໄດ້ເນັ້ນໜັກໃຫ້ບັນດາສະມາຊິກພັກ ພະນັກງານ-ລັດຖະກອນ ຕ້ອງຕັ້ງໜ້າຝຶກຝົນຫລໍ່ຫຼອມຕົນເອງໃຫ້ມີຄຸນທາດການເມືອງໜັກແໜ້ນຄົບຖ້ວນ ສ້າງຕົນເອງໃຫ້ເປັນພະນັກງານດີເດັ່ນຕາມຄໍາຂວັນທີ່ວາງໄວ້ຄື: ໃໝ່ ໄວ ດີຫຼາຍ ແລະ ຖືກກົດ  ໝາຍ ຈາກນັ້ນທ່ານ ສິງຄໍາ ພົມມະລັດກໍ່ຂຶ້ນຮັບຄໍາໂອວາດ ແລະ ກ່າວປິດພິທີ ຢ່າງເປັນທາງການ.

LEAVE A REPLY

Please enter your comment!
Please enter your name here