ໜ່ວຍພັກ ພວຕ ແຂວງຫຼວງພະບາງຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ

0
44

ຕອນບ່າຍເວລາ 14:00 ໂມງ ຂອງວັນທີ 5 ເມສາ (4) 2018 ທີ່ຫ້ອງປະຊຸມ ພະແນກ ວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ ໜ່ວຍພັກພະແນກວິທະຍາສາດ ແລະ ເຕັກໂນໂລຊີ ໄດ້ຈັດພິທີຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສໍາຮອງ ພາຍໃຕ້ການເປັນປະທານ ສະຫາຍ ສິງຄໍາ ພົມມະລັດ ເລຂາໜ່ວຍພັກ, ພ້ອມດ້ວຍສະມາຊິກພັກສົມບູນ, ສໍາຮອງເຂົ້າຮ່ວມທັງໝົດ 28 ສະຫາຍ ຍິງ 11 ສະຫາຍ, ຈຸດປະສົງຂອງການຈັດພິທີໃນຄັ້ງນີ້ກໍ່ແມ່ນເພື່ອຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ 3 ສະຫາຍ ຍິງ 2 ສະຫາຍ, ໃນພິທີ ສະຫາຍ ວົງສະຫວັດ ໂສມມະລັດ ຮອງເລຂາໜ່ວຍພັກໄດ້ຂຶ້ນຜ່ານຂໍ້ຕົກລົງ ຂອງຄະນະປະຈໍາພັກແຂວງ ວ່າດ້ວຍການ ຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ, ຕາງໜ້າມະຫາຊົນຜູ້ກ້າວໜ້າກໍ່ໄດ້ຂຶ້ນຜ່ານໃບສະໝັກເຂົ້າເປັນສະມາຊິກພັກ, ພ້ອມດຽວກັນນັ້ນ ສະຫາຍ ມະນີວົງ ກົງສະຖຽນ ຮອງຫົວໜ້າຫ້ອງການກໍ່ໄດ້ຂຶ້ນກ່າວຮັບຮອງເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສໍາຮອງ, ໃນໂອກາດນີ້ ສະຫາຍ ສິງຄໍາ ພົມລະລັດ ເລຂາໜ່ວຍພັກກໍ່ໄດ້ມີຄໍາເຫັນ ກ່ຽວກັບການກໍາເນີດພັກປະຊາຊົນປະຕິວັດລາວ, ພ້ອມທັງໄດ້ກ່າວຍ້ອງຍໍຊົມເຊີຍ ບັນດາສະຫາຍ ມະຫາຊົນຜູ້ກ້າວໜ້າທີ່ໄດ້ຜ່ານຜ່າຂະບວນການຕ່າງໆ ແລະ ຍັງໄດ້ສ້າງຜົນງານຫຼາຍດ້ານ, ທ່ານໄດ້ໃຫ້ຄໍາແນະນໍາໃຫ້ສະມາຊິກພັກທຸກສະຫາຍເອົາໃຈໃສ່ຄົ້ນຄວ້າຮໍ່າຮຽນກົດລະບຽບຂອງພັກ ແລະ ຮຽກຮ້ອງໃຫ້ ທຸກສະຫາຍຈົ່ງເປັນແບບຢ່າງນໍາໜ້າໃຫ້ແກ່ມະຫາຊົນໃນການ ປະຕິບັດໜ້າທີ່ວິຊາສະເພາະໃຫ້ຫຼ້ອນຕາມການຈັດຕັ້ງຂອງພັກມອບໝາຍໃຫ້, ໃນຕອນທ້າຍຕາງໜ້າມະຫາຊົນຜູ້ກ້າວໜ້າກໍ່ໄດ້ຂຶ້ນຮັບຄໍາໂອວາດ ແລະ ປະຕິຍານຕໍ່ພິທີ ຈາກນັ້ນພິທີກໍ່ໄດ້ສິ້ນສຸດລົງຢ່າງເປັນທາງການ.

LEAVE A REPLY

Please enter your comment!
Please enter your name here