ໜ່ວຍສະຫະພັນແມ່ຍິງພວຕ ເປີດກອງປະຊຸມສະຫຼຸບ ຂະບວນການແຂ່ງຂັນ 3 ດີ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 26 5 2017

0
32

ໜ່ວຍສະຫະພັນແມ່ຍິງພະແນກວິທະຍາສາດ ແລະ ເຕັກໂນໂລຊີ ເປີດກອງປະຊຸມສະຫຼຸບຂະບວນການແຂ່ງຂັນ 3 ດີ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ ຄັ້ງທີ III ວັນທີ 26 / 5 / 2017.ໃຫ້ກຽດເຂົ້າຮ່ວມໂດຍທ່ານ ນາງ ບຸນຕາ ສຸລິຍະມາດ ສະຫະພັນແມ່ຍິງແຂວງ, ທ່ານ ວົງສະຫວັດ ໂສມມະລັດຮອງເລຂາໜ່ວຍພັກ ພະແນກວິທະຍາສາດ ແລະ ເຕັກໂນໂລຊີ ພ້ອມດ້ວຍຜູ້ຕາງໜ້າໜ່ວຍສະຫະພັນແມ່ຍິງອ້ອມຂ້າງ ແລະ ຕາງໜ້າອົງການຈັດຕັ້ງພາຍໃນ ພ້ອມດ້ວຍສະມາຊິກເອື້ອຍນ້ອງທັງໝົດ 21 ສະຫາຍ. ຈຸດປະສົງການຈັດກອງປະຊຸມຄັ້ງນີ້ກໍ່ແມ່ນເພື່ອ ສະຫຼຸບຂະບວນການແຂ່ງຂັນ 3 ດີ 6 ເດືອນຕົ້ນປີ ແລະ ທິດທາງແຜນການ 6ເດືອນທ້າຍປີ. ໂອກາດດຽວກັນນີ້ ທ່ານ ນາງ ສຸມິດ ຈະເລີນຜົນ ຫົວໜ້າໜ່ວຍສະຫະພັນແມ່ຍິງ ກໍ່ໄດ້ຂຶ້ນລາຍງານ ບົດສະຫຼຸບໃນໄລຍະຜ່ານມາ ແລະ ທິດທາງແຜນການ 6 ເດືອນ ທ້າຍປີ ຂໍ້ແຂ່ງຂັນ 3 ດີ ເປັນຕົ້ນແມ່ນ ພົນລະເມືອງດີ ພັດທະນາດີ ແລະ ຄອບຄົວດີ. ທ້າຍນີ້ ທ່ານ ນາງ ບຸນຕາ ສຸລິຍະມາດ ກໍ່ໄດ້ໃຫ້ກຽດມອບໃບຍ້ອງຍໍໃນການປະຕິບັດຂໍ້ແຂ່ງຂັນ 3 ດີ ໃນໄລຍະ ຜ່ານມາໃຫ້ແກ່ສະມາຊິກພາຍໃນໜ່ວຍສະຫະພັນແມ່ຍິງພະແນກວິທະຍາສາດ ແລະ ເຕັກໂນໂລຊີ ຈໍານວນ 10 ສະຫາຍ.

LEAVE A REPLY

Please enter your comment!
Please enter your name here