ໜ່ວຍສະຫະພັນສະຫະພັນກໍາມະບານຮາກຖານ ພວຕ ຮັບມະຫາຊົນຜູ້ກ້າວໜ້າເຂົ້າເປັນສະມາຊິກກໍາມະບານ 8 6 2017

0
37

ຕອນບ່າຍເວລາ 14:00 ຂອງວັນທີ 8 / 6 / 2017 ໜ່ວຍສະຫະພັນກໍາມະບານຮາກຖານພະແນກວິທະຍາສາດ ແລະ ເຕັກໂນໂລຊີແຂວງຫຼວງພະບາງ ໄດ້ຈັດໃຫ້ມີພິທີຂຶ້ນ, ຈຸດປະສົງແມ່ນເພື່ອຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກກໍາມະ ບານ ແລະ ດໍາເນີນສັງເກດຕີລາຄາຂະບວນການແຂ່ງຂັນ 5 ເປັນເຈົ້າ, ໃຫ້ກຽດເປັນປະທານໂດຍ ສະຫາຍ ສົມເພັດ ວັນນະກອນ ຮອງປະທານກໍາມະບານແຂວງຫຼວງພະບາງ, ມີສະຫາຍ ວົງສະຫວັດ ໂສມມະລັດ ຮອງເລຂາໜ່ວຍພັກ ພວຕ, ສະຫາຍ ຈັນທະລັງສີ ວົງລັດ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີ ແລະ ສະຫາຍ ສີປະເສີດ ເພັງສະຫວັດ ປະທານກໍາມະບານຮາກຖານ ພວຕ ພ້ອມດ້ວຍໜ່ວຍກໍາມະບານອ້ອມຂ້າງເຊັ່ນ: ພະແນກພະລັງງານ ແລະ ບໍ່ແຮ່, ພະແນກແຜນການ ແລະ ການລົງທຶນ ແລະ ຜູ້ເຂົ້າຮ່ວມທັງໝົດ 34 ສະຫາຍ ໃນນັ້ນມີ ສະມາຊິກກໍາມະບານພາຍໃນໜ່ວຍ ກໍາມະບານ ພວຕ ຈໍານວນ 29 ສະຫາຍ ຍິງ 12 ສະຫາຍ.  ກອງປະຊຸມຄັ້ງນີ້ ໄດ້ຈັດພິທີຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກກໍາມະບານ ແລະ ດໍາເນີນສັງເກດຕີລາຄາຂະບວນ ການແຂ່ງຂັນ 5 ເປັນເຈົ້າ ຄື:

  1. ເປັນເຈົ້າໃນການສຶກສາອົບຮົມການເມືອງ-ແນວຄິດ
  1. ເປັນເຈົ້າໃນການປັບປຸງແບບແຜນການນໍາພາ ແລະ ຂະຫຍາຍການຈັດຕັ້ງກໍາມະບານ
  2. ເປັນເຈົ້າການສິດ ແລະ ຜົນປະໂຫຍດອັນຊອບທໍາຂອງພະນັກງານ ສະມາຊິກກໍາມະບານ ກໍາມະກອນ ແລະ ຊາວຜູ້ອອກ ແຮງງານ
  3. ເປັນເຈົ້າການເຂົ້າຮ່ວມໃນການຕິດຕາມກວດກາຄຸ້ມຄອງລັດ ຄຸ້ມຄອງເສດຖະກິດ ວັດທະນະທໍາ-ສັງຄົມ
  4. ເປັນເຈົ້າການປະຕິບັດແນວທາງການຕ່າງປະເທດຂອງພັກ

ພາຍໃນພິທີໄດ້ປະກາດຮັບເອົາສະມາຊິກກໍາມະບານໃໝ່ຈໍານວນ 1 ສະຫາຍ, ສະຫາຍ ສີປະເສີດ ເພັງສະຫວັດ ກໍ່ໄດ້ຂຶ້ນຜ່ານ ບົດສະຫຼຸບເນື້ອໃນຂໍ້ແຂ່ງຂັນ 5 ເປັນເຈົ້າ ແລະ ທິດທາງແຜນການຂອງກໍາມະບານຮາກຖານ ພວຕ ສົກປີ 2016-2017 ແລະ ໄດ້ຮັບໃບຢັ້ງຢືນການຈັດຕັ້ງປະຕິບັດ 5 ເປັນເຈົ້າ ຈາກປະທານສະຫະພັນກໍາມະບານແຂວງຫຼວງພະບາງ, ຈາກນັ້ນ ກອງປະ ຊຸມກໍ່ໄດ້ຮັບຟັງການໂອ້ລົມຈາກ ສະຫາຍ ສົມເພັດ ວັນນະກອນ ຮອງປະທານກໍາມະບານແຂວງຫຼວງພະບາງ. ຮອດເວລາ 16:00 ໂມງ ພິທີໄດ້ປິດລົງຢ່າງຈົບງາມ.

LEAVE A REPLY

Please enter your comment!
Please enter your name here